Háttvirtir ráðherrar og Ólafur Ragnar Grímsson

Stríðið í Úkraínu er líklegt til að þróast til heimsstyrjaldar með kjarnorkuvopnum. Aðgerðaleysi herskárra leiðtoga vesturlanda til friðar ógnar framtíð okkar og velsæld. Íslendingar, vopnlaus þjóð sem búið hefur við frið í nær þúsund ár, þarf að hafa skynsemi til að grípa í taumana án tafar með afgerandi friðarátaki. Hvorki Rússar né Úkraínumenn geta staðið uppi sem sigurvegarar í stríðinu sem nú er háð. Vesturlönd verða að finna nýjar leiðir til friðar og jafnvægis þar sem hagsmunir almennings og mannréttindi eru í fyrirrúmi. Það verður ekki gert með meiri vopnum og hernaði sem mun aðeins leiða til aukinna átaka og breiða út enn meiri hörmungar en nú dynja á Úkraínu. Ég krefst þess að Íslensk stjórnvöld beiti sér fyrir tafarlausu vopnahlé og friðarviðræðum. Ólafur Ragnar Grímsson fyrrum forseti Íslands hefur reynslu, tengslanet og virðingu á alþjóða vettvangi til að leiða þetta verkefni fyrir hönd okkar Íslendinga. Í stað þess að veita fjármagn í hergagnaflutninga setjið fjármagnið í friðarviðræður undir hans forystu.

Hér má lesa bréf Alþjóðastofnunarinnar Friðar 2000 til Volodymyr Zelensky forseta Úkraníu, Vladimar Putin forseta Rússlands og ríkisstjórnar Íslands: https://peace2000.org/ukraine-peacecall/ Átak kostað af Friði 2000 og stuðningsaðilum.